E pandemia di COVID-19 a trece cambio den bida di biyones di persona mundialmente, tambe den planes pa futuro. El a trece inseguridad den desicion di algun studiante pa loke ta bay studia den exterior. IPA a haya peticion di varios interesado pa nan por inscribi aunke cu inscripcion pa aña academico 2020-2021 a cera caba. Pa e motibo aki IPA a dicidi di habri su inscripcion bek pa e estudio pa maestro di Enseñansa Primario p’asina duna e studiantenan aki oportunidad pa inscribi.

E estudio pa maestro di Enseñansa Primario ta forma maestro cu ta cualifica pa duna les na mucha di scol preparatorio y of scol basico. Un maestro cu ta funciona competentemente den klas, na scol y den un ambiente social. Bo kier aporta na e formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa maestro di enseñansa primario cu IPA ta ofrece ta e estudio ideal p’abo. Tene na cuenta cu solamente studiante den examenklas of graduado di havo, vwo of EPI (nivel 4) por inscribi pa e estudio pa maestro di Enseñansa Primario.

E rekisitonan pa inscripcion ta tuma luga via email e e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Bo e-mail mester contene e siguiente documentonan:

• Comprobante di pago di inscripcion . E gastonan di inscripcion ta awg 75,-. Mester deposita esaki riba e cuenta di IPA cual ta 131214413 na Aruba Bank. Si bo persona no a cumpli cu e pago pa 15 di mei bo inscripcion automaticamente ta keda cancela. Den caso cu bo a gradua caba copia di bo diploma di sea havo, vwo of mbo nivel 4.

• Si bo ta den examenklas di havo, vwo of mbo nivel 4 ta importante pa bo inscribi di awo caba mirando cu inscripcion ta cera 15 di mei 2020. Despues di e fecha aki no por inscribi mas pa aña academico 2020-2021.

Pa mas informacion por tuma contacto cu sra. Marlene Britten na e e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of por bishita nos pagina di facebook ‘Instituto Pedagogico Arubano’ of nos website www.ipaaruba.com.

Siguiendo e pandemia di COVID-19, IPA ta alinia cu e medidanan di seguridad nacional di Aruba tocante distanciamento social. Nos ta sigui e guia di gobierno pa scol, cual ta nifica cu actividad diario pa studiante, docente y personal di sosten ta cancela na e edificio di IPA. Esaki ta nifica cu IPA ta cera te dia 31 di maart sperando riba update di Gobierno di Aruba.

Teniendo cuenta cu esaki IPA a haci modificacion den e forma cu e lo sigui brinda enseñansa na su studiantenan y den e forma cu e lo duna servicio na publico.

IPA lo ofrece enseñansa na un forma sigur y responsabel. Esaki ta nifica cu nos studiantenan lo haya enseñansa riba distancia pa medio di e plataforma online. Tur servicio, material di instruccion y herment lo ta disponibel online.

IPA su Centro pa Desaroyo Profesional Continuo (CDPC) a desaroya un “Digital First Aid Kit” cu tips y triki pa siñamento digital. E prome kit cu a diseña ta traha specialmente pa maestro di Enseñansa Primario. Sinembargo, ta trahando riba un kit pa AVO y otro tipo di enseñansa. Pa por download e kit pa maestro di scol primario bishita e website www.ea.aw.

E servicio cu publico lo tuma luga por lo pronto via e e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Asina cu bin cambio den esaki nos lo informa comunidad pa medio di nos facebook Instituto Pedagogico Arubano. Like nos pagina di facebook p’asina bo keda bon informa.

Di e forma aki IPA ta tuma precaucion p’asina sigura salud, seguridad y bienestar di cada miembro di IPA y henter Aruba.

E pandemia di COVID-19 a trece cambio den bida di biyones di persona mundialmente, tambe den planes pa futuro. El a trece inseguridad den desicion di algun studiante pa loke ta bay studia den exterior. IPA a haya peticion di varios interesado pa nan por inscribi aunke cu inscripcion pa aña academico 2020-2021 a cera caba. Pa e motibo aki IPA a dicidi di habri su inscripcion bek pa e estudio pa maestro di Enseñansa Primario p’asina duna e studiantenan aki oportunidad pa inscribi.

E estudio pa maestro di Enseñansa Primario ta forma maestro cu ta cualifica pa duna les na mucha di scol preparatorio y of scol basico. Un maestro cu ta funciona competentemente den klas, na scol y den un ambiente social. Bo kier aporta na e formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa maestro di enseñansa primario cu IPA ta ofrece ta e estudio ideal p’abo. Tene na cuenta cu solamente studiante den examenklas of graduado di havo, vwo of EPI (nivel 4) por inscribi pa e estudio pa maestro di Enseñansa Primario.

E rekisitonan pa inscripcion ta tuma luga via email e e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. Bo e-mail mester contene e siguiente documentonan:

Si bo ta den examenklas di havo, vwo of mbo nivel 4 ta importante pa bo inscribi di awo caba mirando cu inscripcion ta cera 15 di mei 2020. Despues di e fecha aki no por inscribi mas pa aña academico 2020-2021.

Pa mas informacion por tuma contacto cu sra. Marlene Britten na e e-mail Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of por bishita nos pagina di facebook ‘Instituto Pedagogico Arubano’ of nos website www.ipaaruba.com.

“Hopi biaha mi sa sinta refleha y encurasha mi mes bisando,miho mi sacrifica 4 aña enbes di sacrifica e resto di mi bida, eherciendo un profesion cu mi no tin pasion p’e”

Esaki ta expresion di Zayenne Gomez,mama di tres yiu, cu actualmente ta den su ultimo fase di e Estudio pa Maestro di Enseñansa Primario, specialidad 4 pa 8 aña, cu Instituto Pedagogico Arubano (IPA) ta ofrece. E fase aki ta enfoca riba e futuro situacion di trabao. Durante e fase aki e studiante mester implementa tur conocemento, actitud y habilidad cu el a adkiri durante e añanan anterior: haci uzo di diferente forma di traha saliendo for di experiencia y mundo sensorial di e mucha, diferenciacion y teneniendo cuenta cu diferente base social y cultural. Alabes, banda di duna les, e studiante tin cu realisa dos actividad, cu ta meso, cu ta na nivel di scol, y micro, cu ta na nivel di klas.

Cu hopi esfuerso y perserverancia Zayenne ta den proceso di cumpli cu su deseo di bira maestro di scol. Awe e kier comparti su storia p’asina inspira y encurasha e studiantenan actual di IPA y tur otro persona cu ta desea di bira maestro.

Zayenne ta bisa “Mi por scoge pa ta kico cu mi kier den bida, mi a scoge pa ta maestro. Pakico? Paso den mi opinion despues di e mayornan, e maestro ta e siguiente persona cu ta contribui na formacion di e mucha. Como parti di nos structura di educacion, tur persona den nos comunidad mester a sinta den banki pa tuma les for di un maestro di scol.”

Na aña 2015 Zayenne a inicia cu su estudio na IPA. Su trayectoria na IPA no tabata uno facil, mirando cu e ta un mama soltera cu tres yiu. Pa Zayenne tabata importante pa por tin balansa entre su estudio y su bida personal. Ambos, su estudio y yiunan, ta exigi hopi tempo y energia for di dje. Varios obstaculo a presenta, cual tabata pone cu Zayenne kier a give up.Sinembargo, etabata haya forsa den su yiunan y e tabata corda riba e promesa cu el a haci su mayornan, p’asina continua cu su estudio. “Mi tabata comunica hopi cu mi mayornan y mi mentornan.Hunto nos tabata busca un solucion pa cada obstaculo.Hopi biaha mi sa sinta refleha y encurasha mi mes bisando, miho mi sacrifica 4 aña enbes di sacrifica e resto di mi bida, eherciendo un profesion cu mi no tin pasion p’e”.

Actualmente Zayenne ta haciendo su ultimo practica na Colegio Santa Filomena den klas dos. Zayenne seguramente no ta e mesun studiante timido cu a drenta IPA na 2015. Zayenne ta conta: “Mi a cuminsa e estudio aki cu hopi miedo di faya. Esaki por a ripara ora di presenta of duna les durante practica. Mi no tabatin confiansa den mi mes, mi tabatin miedo di haci fout. Na e momento cu e docentenan di materia (vakdocentnan) of guia principal (algemenebegeleider) ta presente mi curason tabata bati masha duro mes. Loke a pone mi haya confiansa den mi mes ta cu na final, cu mi caba di duna les, e comentarionan positivo y constructivo cu mi tabata haya for di guia principalydocente di materia. Awo cu mi ta den mi fase final di estudio mi por bisa cu mi ta sinti cu I run the world ora cu ta trata di duna les.

Zayenne a crece ambos riba tereno profesional y personal. “Mi no por imagina con hopi mi a crece como persona engeneral. Con pa reacciona y comporta mi mes ora mi bisti e pechi di maestro, ta un sensacion unico, mi no ta pensa solamente pa mi mes, pero tambe cu mi ta un persona ehemplar pa nos muchanan,hasta ora mi ta pafo di scol. E estudio aki a siña mi think outside the box mayoria biaha ora mi ta traha mi lesnan, cual ta yuda pa crea un esfera sublime den klas. Mi comunicacion cu colega, docentenan y alumnonan a bira mihodurante e añanan. Mi a crece den e parti didactico, con pa duna les, den e parti pedagogico, con pa trata cu alumno y finalmente e parti organisatorio, con pa organisa mi klas pa por tin structura y tene mi mes na e tempo stipula pa duna les.”

Zayenne ta termina su storia cu e siguiente palabranan: “Pa tur persona cu kier cuminsa e estudio pa maestro di enseñansa primario no tene miedo. Sigui bo deseo y no warda pa mañan. Pa tur esnan cu ta den IPA caba mi conseho ta no give up, cada dia cu pasa ta un dia mas cerca di bo diploma.”