Abo sa sinti bo mes ansha? Kisas un poco tenso of hasta deprimi? Bo no por drumi bon, bo ta haya dificil pa concentra? E tareanan di IPA ta keda acumula? Bo tin problema pa organisa tur loke bo mester haci pa bo estudio y famia na cas? Bo sa sinti cu bo ta irita lihe? Bo ta cana hopi biaha cu malbeis?

 

Nos programa di Shoco Wellness t'ey pa yuda bo!

E programa aki ta desaroya specificamente pa sostene tur studiante di IPA, pasobra nos kier pa tur nos studiantenan florece den nan estudio y den nan bida personal.

 

Shoco Wellness ta ofrece diferente programa di deporte y di arte pa relaha mente y curpa. Meta di e programanan aki ta pa por pasa un rato ameno, recarga y balansa bo mes bek. Banda di esaki Shoco Wellness ta ofrece mindful moments semanal, tayer y charla tocante tema specifico relata cu salud mental. 

 

Tin biaha e carga di problema ta bira mucho pisa y na momento ey Shoco Wellness tambe por yuda bo door di ofrece guia y coaching individual, y si mester por yuda bo haya ayudo mas specialisa pa bo salud social emocional.

 

Nos ta bibando den un temporada di hopi cambio. Cambio ta parti di bida y ta trece oportunidad cu ne. Nos t'ey pa guia bo  p'asina bo tambe por florece.

 

Click riba e diferente boton riba pa haya mas informacion tocante e diferente servicionan di Shoco Wellness.