Bo ta buscando un profesion cu ta haci impacto riba e generacion actual y e futuro generacion? Scoge pa e profesion di maestro di Enseñansa Primario. Como maestro bo lo crece riba tereno profesional y personal, bo lo haya satisfaccion di bo trabao y bo lo contribui na futuro di bo pais. Scoge pa e estudio pa Maestro di Enseñansa Primario di Instituto Pedagogico Arubano (IPA) y sea e cambio!

E Estudio pa Maestro di Enseñansa Primario ta forma maestro cu ta cualifica pa duna les na mucha di scol preparatorio y/ of scol basico: un maestro cu ta funciona competentemente den klas, na scol y den comunidad. Tin dos grupo di participante cu por haci e estudio pa Maestro di Enseñansa Primario: 1. Studiante cu tin diploma di sea havo, vwo of mbo nivel 4 of si ta den examen klas di esakinan. 2. Persona cu desde 1 di september 2026 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets. Inscripcion pa e 21+Toets a cera caba for di 12 di januari 2026, dus no ta posibel mas pa inscribi pa 21+ Toets pa aña academico 2026-2027.

Tur informacion di Estudio pa Maestro di Enseñansa Primario ta riba website di IPA. Subi www.ipaaruba.com y click riba opleidingen sigui pa Leraar Primair Onderwijs. Aki lo bo haya informacion di entre otro contenido di e estudio, kico bo por haci despues di e estudio, gasto y procedura di inscripcion.

Banda di esaki nos docentenan di diferente area di formacion a prepara diferente actividad na unda e bishitante lo por participa activamente. Den un siguiente comunicado nos lo elabora riba e actividadnan.

Tur persona cu ta interesa pa haci e Estudio pa Maestro di Enseñansa Primario por inscribi via e website www.ipaaruba.com. Pa por inscribi mester cumpli cu e pago di AWG 100,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion.

E ultimo dia pa inscribi pa e Estudio pa Maestro di Enseñansa Primario ta dia 1 di mei 2026. Despues di e fecha aki no tin posibilidad mas pa inscribi.

Pa keda altanto di e ultimo desaroyonan di IPA bishita www.ipaaruba.com y sigui nos riba pagina di facebook Instituto Pedagogico Arubano.

Stichting Biblionef Nederland conhuntamente cu Biblionef Aruba, Biblioteca Nacional Aruba, Instituto Pedagogico Arubano y Departamento di Enseñansa Aruba, ta organisa pa prome biaha e asina yama Reading Festival Aruba. E festival aki ta tuma luga dia 27 y 28 di februari 2026 y tin como meta pa stimula placer di lesamento na miles di mucha na Aruba.

Reading Festival Aruba ta posibel danki na sosten di Nederlands Letterenfonds.

Pa comparti e placer di lesa cu mas tanto mucha posibel, lo organisa diferente actividad pa e muchanan por participa na dje, entre otro: tayer di escritor y artista (media, AI, contamento di storia y poesia) presentacion di musica y baile.

Riba e dia aki tin 13 scol secundario cu lo participa na diferente actividad cu ta stimula habilidad di lesa y placer di lesa. Pa por acomoda mas tanto scol posibel, e actividadnan lo tuma luga na tres diferente scol: EPB Hato, Colegio Arubano y Filomena College Mavo. Lo tin tayer di escritor, artista, futuro maestro y wega interactivo specialmente pa e alumnonan di ciclo basico.

Riba e dia aki mucha di tur edad y nan mayornan ta bonbini pa forma parti di Reading Festival Aruba cu lo tuma luga na Filomena College na San Nicolas. Lo tin entre otro: contamento di storia, maleta di buki pa e chiktin, tayer di AI y ‘coderen’ pa scol secundario y ‘storytelling’ interactivo. Banda di e actividadnan educativo lo tin entretenimento di musica, presentacion di baile y un spectaculo grandi na unda lesamento ta para central.

Despues di e Reading Festivals exitoso na Sint Maarten, nos tin espectativa pa un festival spectacular na Aruba pa asina comparti placer di lesamento cu tur mucha. Nos lo tin mas cu 2500 buki pa duna. E Reading Festival Aruba lo cumpli su mision pa stimula habilidad di lesa, creatividad y imaginacion den mucha.Tur bishitante lo tin oportunidad pa gana premionan fabuloso! Tur scol por pidi pa presta tur e bukinan pa lesa na biblioteca , material educativo y wega di idioma uza durante Festival de Lesamento, pa nan por sigui promove placer di lesamento despues di e evento.

E-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.

Website: www.readingfestivals.com

Facebook en Instagram: @readingfestivals

“Start your adventure here!”, esaki ta e tema di Instituto Pedagogico Arubano (IPA) su open dag 2026 cu lo tuma luga diasabra 21 di februari di 5:00 pm – 8:00 pm na IPA (Isaac Wagemakerstraat 11, San Nicolas). Riba e dia aki IPA ta habri su portanan pa tur persona cu kier descubri mas di e rol crucial y e influencia grandi di maestro den enseñansa. Nos kier pa abo, cu tin e pasion pa bira maestro, bin combersa cu nos y si bo ta explora opcion di estudio, join nos y laga nos inspira bo.

Durante e open dag nos lo duna informacion di diferente estudio:

• e estudio pa Maestro di Enseñansa Primario,

• e curso di Certificacion Pedagogico Didactico (PDG),

• e trayecto cortico pa Maestro di Enseñansa Primario cu ta hiba na un autorisacion pa duna les na tur alumno di scol preparatorio y scol basico.

Tuma nota cu cada estudio tin su grupo meta y orario specifico pa por haya informacion:

Estudio pa Maestro di Enseñansa Primario

E estudio pa Maestro di Enseñansa Primario ta forma maestro cu ta cualifica pa duna les na alumno di scol preparatorio y scol basico. Durante e open dag lo tin 3 sesion cu e bishitante lo por atende pa ricibi informacion di e estudio. E orario di sesion 1 ta 5:30 pm, di sesion 2 ta 6:35 pm y di sesion 3 ta 7:40 pm.

Pa inscribi pa e estudio aki mester tin diploma di havo, vwo of mbo nivel 4 (of ta den examenklas di un di esakinan).

PDG ta un curso pa profesionalnan cu ya caba ta dispone di un diploma riba nivel di bachelor of di master y cu kier continua nan carera den ramo di enseñansa. Pa medio di e curso di PDG e profesionalnan por desaroya competencia pedagogico y didactico. E orario cu bo lo por ricibi informacion general di e estudio aki ta 5:30 pm.

E trayecto cortico pa Maestro di Enseñansa Primario ta un estudio specialmente desaroya pa maestronan cu ta trahando caba den scol preparatorio of scol basico y cu actualmente ta autorisa pa duna les na alumno di edad 4 - 8 aña of 6 - 12 aña. Cu e estudio aki nan por amplia nan autorisacion pa asina nan ta completamente cualifica pa duna les na alumno di 4 te cu 12 aña. E orario di e sesion di informacion ta 6:35 pm.

IPA ta invita henter comunidad di Aruba, specialmente tur persona cu ta interesa pa haci un estudio na IPA pa asisti na nos open dag. Probecha di e oportunidad pa haya tur informacion personalmente y haci pregunta.

Bo aventura ta cuminsa aki na IPA!

Ten students have successfully completed the international minor Globalisation, Diversity, Multilingualism & Education (30 European Credits) at the Instituto Pedagogico Arubano (IPA). These students: Hamza Jabeur, Charlotte Helder, Jessica de Bruijn, Roos Span, Aylin Salawan Bessie, Suzan Nassar, Manon Kommer, Gertrisia Krozendijk, Bart-Jeroen van Leunen and Boaz Kommer — spent approximately five months on Aruba following an intensive academic and practical programme.

The minor combines theory, practice and applied research, with a strong focus on the Sustainable Development Goals, particularly SDG 4 (Quality Education), SDG 10 (Reduced Inequalities) and SDG 16 (Peace, Justice and Strong Institutions). Key themes included multilingual education, motivation, differentiation and inclusive pedagogical practice.

During the minor, students completed internships at several Aruban primary and secondary schools, including Mon Plaisir School, Filomena College, EPB Hato and San Antonio Mavo. IPA gratefully acknowledges the commitment and guidance of school principals and mentors, whose support was essential to the success of this programme.

A special thanks goes to our Aruban student Gertrisia Krozendijk, who is currently studying at Hogeschool Utrecht and returned to Aruba to participate in this minor. She completed her internship at San Antonio MAVO, the secondary school she once attended herself, making this experience particularly meaningful.

Final research presentations took place on 16 and 22 January 2026 and were highly appreciated by educators and stakeholders. All students successfully obtained their certificates. IPA is proud of the students’ professional growth and international engagement.