IPA ta brinda e posibilidad pa haci test di CNaVT Educatief Startbekwaam B2 y Educatief Professioneel C1. Esaki ta pa studiante cu lo desea di haci e test aki na Aruba caba prome cu bay Hulanda of Belgica pa sigui studia. Tin diferente estudio den enseñansa superior na Hulanda/Belgica cu ta exigi cu a haal cierto nivel di test di CNaVT. Awo tin oportunidad pa haci e test aki na Aruba y ricibi resultado prome cu bay Hulanda/Belgica pa studia.

Proyecto CNaVT di Taalunie ta ofrece cinco examen pa esnan cu ta siña Hulandes como idioma stranhero y kier haya un certificado reconoci tocante nan nivel di idioma. E examennan ta midi funcionamento linguistico riba cuater nivel diferente segun Marco Referencial Europeo (ERK), di A2 te cu C1. Cada examen ta ubica den un area specifico (social, educativo of profesional) y tin obhetivo apart.

Examens

• Maatschappelijk Informeel (INFO) - A2

Voor wie wil functioneren in informele, alledaagse situaties.

• Maatschappelijk Formeel (FORM) - B1

Voor wie zelfstandig wil functioneren in meer formele contexten in de Nederlandse of Vlaamse samenleving.

• Zakelijk Professioneel (PROF) - B2

Voor wie wil functioneren op de werkvloer, in het bijzonder in de zorgsector of in een administratief beroep.

• Educatief Startbekwaam (STRT) - B2

Voor wie wil starten met een studie aan een Vlaamse of Nederlandse hogeschool of universiteit.

• Educatief Professioneel (EDUP) - C1

Voor wie wil functioneren in het onderwijs of in een bedrijfsomgeving en daarvoor een gevorderde kennis van het Nederlands nodig heeft.

Examens die je via IPA kunt afleggen:

• Educatief Startbekwaam (STRT) - B2 en

• Educatief Professioneel (EDUP) - C1

Prijs:

• B2: AWG 175

• C1: AWG 225

• Inscripcion: for di diabierna 21 di februari te cu diabierna 10 di maart 2025. Ultimo dia di inscripcion pa e ronde di mei: 10 maart 2025

• Dia di examen: entre 1 y 15 di mei 2025 (e examennan ta tuma lugar riba 2 parti di dia)

Pa mas informacion, bishita: https://cnavt.org/

“The Influencer Teacher”, esaki ta e tema di Instituto Pedagogico Arubano (IPA) su open dag 2025 cu lo tuma luga diasabra 1 di februari di 10:30 am - 1:30 pm na IPA (Isaac Wagemakerstraat 11, San Nicolas). Riba e dia aki IPA ta habri su portanan pa tur persona cu kier descubri mas di e rol crucial y e influencia grandi di maestro den enseñansa. Nos kier pa abo, cu tin e pasion pa bira maestro, bin combersa cu nos y si bo ta explora opcion di estudio, join nos y laga nos inspira bo.

• e estudio pa Maestro di Enseñansa Primario,

• e curso di Certificacion Pedagogico Didactico (PDG),

y e dos trayectonan cortico pa maestronan cu actualmente ta trahando caba den scol preparatorio of scol basico pa nan por amplia nan cualificacion cu sea:

• e trayecto cortico pa Maestro di Enseñansa Primario cu ta hiba na un autorisacion pa duna les na tur alumno di scol preparatorio y scol basico of

• e trayecto cortico pa maestro specialisa di Hulandes y Ingles pa Enseñansa Primario

Tuma nota cu cada estudio tin su grupo meta y orario specifico pa por haya informacion:

E estudio pa Maestro di Enseñansa Primario ta forma maestro cu ta cualifica pa duna les na alumno di scol preparatorio y scol basico. Durante e open dag lo tin 2 sesion cu e bishitante lo por atende pa ricibi informacion di e estudio. E orario di sesion 1 ta 10:45 am y di sesion 2 ta 11:30 am.

Pa e estudio aki nos lo brinda the ‘whole experience’. E bishitantenan lo participa activamente na actividad cu nos docentenan di diferente area di formacion (Matematica, Arte, Idioma y Comunicacion y Pedagogia) a prepara pa nan. Lo clausura e experiencia aki cu un presentacion di informacion general. Pa inscribi pa e estudio aki mester tin diploma di havo, vwo of mbo nivel 4 (of ta den examenklas di un di esakinan).

PDG ta un curso pa profesionalnan cu ya caba ta dispone di un diploma riba nivel di bachelor of di master y cu kier continua nan carera den ramo di enseñansa. Pa medio di e curso di PDG e profesionalnan por desaroya competencia pedagogico y didactico. E orarionan cu bo lo por ricibi informacion general di e estudio aki ta sea 10:45 am of 11:30 am.

E trayecto cortico pa Maestro di Enseñansa Primario ta un estudio specialmente desaroya pa maestronan cu ta trahando caba den scol preparatorio of scol basico y cu actualmente ta autorisa pa duna les na alumno di edad 4 - 8 aña of 6 - 12 aña. Cu e estudio aki nan por amplia nan autorisacion pa asina nan ta completamente cualifica pa duna les na alumno di 4 te cu 12 aña. E orario di sesion 1 ta 10:45 am y di sesion 2 ta 12:00 pm.

E trayecto cortico pa Maestro Specialisa di Hulandes y Ingles pa Enseñansa Primario ta un estudio specialmente desaroya pa maestro cu ta trahando caba den scol basico y cu actualmente ta autorisa pa duna les na alumno di 6 - 12 aña. Cu e estudio aki nan por amplia nan autorisacion pa asina nan ta cualifica pa duna les di Hulandes y Ingles na alumno di klas 1 te cu klas 6 di scol basico. E orario di sesion 1 ta 10:45 am y di sesion 2 ta 12:00 pm.

Nos studiantenan di aña 3 di e estudio pa Maestro di Enseñansa Primario lo t’ey presente cu benta di pasaboca. Meta di esaki ta pa recauda fondo pa nan pasantia internacional cu ta forma parti di e curiculo di nan estudio.

Pa keda altanto di tur e ultimo desaroyonan encuanto open dag y IPA en general, bishita nos pagina di facebook Instituto Pedagogico Arubano of nos website www.ipaaruba.com. Riba nos website tin un pagina cu yama open dag cu ta contene tur informacion relaciona cu IPA su open dag. Alabes tin storia cortico di nos studiantenan. Lesa e storianan y keda inspira pa scoge pa e profesion di maestro!

IPA ta invita henter comunidad di Aruba, specialmente tur persona cu ta interesa pa haci un estudio na IPA pa asisti na nos open dag. Probecha di e oportunidad pa haya tur informacion personalmente y haci pregunta.

Bo ta buscando un profesion cu ta haci impacto riba e generacion actual y e futuro generacion? Scoge pa e profesion di maestro di Enseñansa Primario. Como maestro bo lo crece riba tereno profesional y personal, bo lo haya satisfaccion di bo trabao y bo lo contribui na futuro di bo pais. Scoge pa e estudio pa Maestro di Enseñansa Primario di Instituto Pedagogico Arubano (IPA) y sea e cambio!

Estudio pa Maestro di Enseñansa Primario ta forma maestro cu ta cualifica pa duna les na mucha di scol preparatorio y/ of scol basico: un maestro cu ta funciona competentemente den klas, na scol y den comunidad.

• Studiante cu tin diploma di sea havo, vwo of mbo nivel 4 of si ta den examen klas di esakinan.

• Persona cu desde 1 di september 2025 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets.Inscripcion pa e 21+Toets a cera caba for di 29 di november 2024 dus no ta posibel mas pa inscribi pa 21+ Toets pa aña academico 2025-2026.

Tur informacion di Estudio pa Maestro di Enseñansa Primario ta riba website di IPA. Subi www.ipaaruba.com y click riba opleidingen sigui pa Leraar Primair Onderwijs. Aki lo bo haya informacion di entre otro contenido di e estudio, kico bo por haci despues di e estudio, gasto y procedura di inscripcion.

Durante open dag di IPA, dia 1 di februari 2025, lo ofrece dos sesion di informacion general di Estudio pa Maestro di Enseñansa Primario cu bo lo por atende. E orario di sesion 1 ta 10:45 am y di sesion 2 ta 11:30 am.

Pa e estudio aki nos lo brinda the ‘whole experience’. E bishitantenan lo participa activamente na actividad cu nos docentenan di diferente area di formacion a prepara pa nan. Lo clausura e experiencia aki cu un presentacion di informacion general.

Tur persona cu ta interesa pa haci Estudio pa Maestro di Enseñansa Primario y of e 21+ Toets por inscribi via e website www.ipaaruba.com. Pa por inscribi mester cumpli cu e pago di AWG 80,- y pone como anexo copia di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion. E ultimo dia pa inscribi pa Estudio pa Maestro di Enseñansa Primario ta dia 1 di mei 2025. Despues di e fecha aki no tin posibilidad mas pa inscribi.

Pa keda altanto di e ultimo desaroyonan di IPA bishita www.ipaaruba.com y sigui nos riba pagina di facebook Instituto Pedagogico Arubano.

Instituto Pedagogico Arubano (IPA) ta invita comunidad di Aruba pa sintonisa e Foro Politico organisa pa IPA. E foro lo tuma luga dialuna dia 2 di december 2024 pa 2:30 pm, en bibo via di pagina di Facebook di Instituto Pedagogico Arubano.

Durante e foro lo enfoca riba vision pa enseñansa di Aruba. E foro ta sirbi como un plataforma pa representante di cada partido politico comparti vision, meta, y plan concreto pa fortalece y desaroya e veld di enseñansa. E topico di discusion lo cubri aspecto clave y idea innovado pa por sigura un educacion sostenibel y di calidad pa Aruba.

IPA ta invita maestro, studiante, mayor y tur otro persona cu tin interes den enseñansa pa sigui e transmision en bibo. Ban haci uzo di e oportunidad pa ta mas informa di e plannan relaciona cu enseñansa di nos pais.

Sintonisa y sea parti di e dialogo importante aki!