IPA su Flower Power Bowling edition tabata un exito rotundo

E departamento Bureau Voorlichting en Sociale Activiteiten di IPA a organisa un actividad social pa su studiantenan y personal. Alabes, e actividad aki tabata un gradicimento pa e cabesantenan y maestronan di IPA su opleidingsscholen unda e formacion practico di e studiantenan ta tuma luga. IPA ta contento cu y orguyoso di e colaboracion cu nos opleidingsscholen den e formacion di e futuro maestronan.

E actividad tabata den forma di un ‘crazy’ bowling cu e tema Flower Power. Un tema cu ta recorda nos cu como persona nos tin di stima otro y biba na paz cu otro.

bowling aki no tabata uno tradicional. E participantenan, bao guia di Gewoon Pa Pret Entertainment, a haci diferente tarea hunto prome cu tira e bala den e lane. Di e forma aki no solamente nos ta crea un espacio pa ciudo y amor propio, pero alabes ta enfoca riba teambuilding.

E competencia di e ‘crazy’ bowling tabata den full swing. E resultado final ta lo siguiente:

• Miho

• Segundo luga miho hungado di bowling: Charlaynne Santos Diaz

• Tercer luga miho hungado di bowling: Esther Stroucken

• Miho team di bowling: Power to Flower

• Segundo luga team di bowling: Team Movecion y Salud

• Tercer luga team di bowling: Lucky Strikes Ladies

Palabra di pabien ta bay na Daylan Krozendijk, Esther Stroucken, Alwin Lacle, Regine Croes, Merlynne Williams y e team Royal Hippes cu a luci espectacular den nan pañanan ‘groovy’. Boso creatividad y entusiasmo a laga e evento haya un briyo extra. Nos maestronan seguramente ta conoci pa personanan cu ta crea ambiente tur caminda. E grupo cu a resalta cu su bochincha ta e maestronan cu a yama nan mes The Groovy Teachers.

E actividad aki seguramente no tabata posibel sin cooperacion di diferente sponsor cu a kere den e evento aki y cu a yuda IPA sin pensa dos biaha. Nan ta: DShop, Valemarie Skin Care, Royal Car Wash Aruba, Granny Mati's Drinks, Vadavas, Pelican Adventures, Aruba Mason Jars, Pooki's Bodique & Accessories, La Folie Aruba, Wow Cosmetica y Fantastic Gardens Aruba. E comunidad di IPA no tin palabra pa gradici boso pa boso aporte. Masha danki di curason.

Rebiba e magia y tira un bista riba nos pagina di facebook Instituto Pedagogico Arubano pa bo mira potret di e momentonan inolvidabel capta durante e evento.