Stichting Biblionef Nederland conhuntamente cu Biblionef Aruba, Biblioteca Nacional Aruba, Instituto Pedagogico Arubano y Departamento di Enseñansa Aruba, ta organisa pa prome biaha e asina yama Reading Festival Aruba. E festival aki ta tuma luga dia 27 y 28 di februari 2026 y tin como meta pa stimula placer di lesamento na miles di mucha na Aruba.
Reading Festival Aruba ta posibel danki na sosten di Nederlands Letterenfonds.
Preparacion pa Reading Festival Aruba ta den full swing
Pa comparti e placer di lesa cu mas tanto mucha posibel, lo organisa diferente actividad pa e muchanan por participa na dje, entre otro: tayer di escritor y artista (media, AI, contamento di storia y poesia) presentacion di musica y baile.
Diabierna 27 di februari: Programa special pa Ciclo Basico
Riba e dia aki tin 13 scol secundario cu lo participa na diferente actividad cu ta stimula habilidad di lesa y placer di lesa. Pa por acomoda mas tanto scol posibel, e actividadnan lo tuma luga na tres diferente scol: EPB Hato, Colegio Arubano y Filomena College Mavo. Lo tin tayer di escritor, artista, futuro maestro y wega interactivo specialmente pa e alumnonan di ciclo basico.
Diasabra dia 28 di februari: Festival pa mucha di tur edad
Riba e dia aki mucha di tur edad y nan mayornan ta bonbini pa forma parti di Reading Festival Aruba cu lo tuma luga na Filomena College na San Nicolas. Lo tin entre otro: contamento di storia, maleta di buki pa e chiktin, tayer di AI y ‘coderen’ pa scol secundario y ‘storytelling’ interactivo. Banda di e actividadnan educativo lo tin entretenimento di musica, presentacion di baile y un spectaculo grandi na unda lesamento ta para central.
Donacion di buki y premio
Despues di e Reading Festivals exitoso na Sint Maarten, nos tin espectativa pa un festival spectacular na Aruba pa asina comparti placer di lesamento cu tur mucha. Nos lo tin mas cu 2500 buki pa duna. E Reading Festival Aruba lo cumpli su mision pa stimula habilidad di lesa, creatividad y imaginacion den mucha.Tur bishitante lo tin oportunidad pa gana premionan fabuloso! Tur scol por pidi pa presta tur e bukinan pa lesa na biblioteca , material educativo y wega di idioma uza durante Festival de Lesamento, pa nan por sigui promove placer di lesamento despues di e evento.
Pa mas informacion:
E-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Website: www.readingfestivals.com
Facebook en Instagram: @readingfestivals