Recientemente, Instituto Pedagogico Arubano (IPA), a tene su ceremonia di graduacion di aña academico 2023-2024. Cu orguyo, IPA ta anuncia cu awor nos enseñansa ta conta cu un grupo di 22 maestro cu lo reenforsa nos educacion na Aruba. E graduadonan tin diferente specialisacion, entre otro, Bachelor Nederlands als Vreemde Taal, Movecion y Salud, Pedagogisch Didactisch Getuigschrift y Estudio pa maestro di Enseñansa Primario.

E studiantenan cu a gradua den aña academico 2023-2024 ta: Bachelor Nederlands als Vreemde Taal: Gillianny Contreras, Janice Kock. Movecion y Salud: Lyan Cecilia, Christopher Croes, Robert Dijkhoff, Meloushka Dirksz, Myron Ras, Shawn Tromp. Cursus Pedagogisch Didactisch Getuigschrift: Diana Schotborg. Estudio pa maestro di Enseñansa Primario: Maryline Boekhoudt, Roxanne Haselhoef, Darlisa Alders, Merveline de Cuba, Gelaine Figaroa, Julaisa Tromp, Roycelynn Fingal, Darinella Geerman, Mariëlle Laclé, Maria Maldonado Pardo, Nashmine Noguera, Litsxya Ras, Charlaynne Santos Diaz.

Ta importante pa menciona cu pa prome biaha IPA a otorga diploma di maestro di enseñansa primario cu e specialisacion di 4-12 aña banda di algun cu tin specialisacion 4-8 of 6-12 aña. Pues 2024 ta marca historia cu e cambio pa un specialisacion amplio haciendo e posibel pa e maestronan aki por traha den cualkier klas di enseñansa primario. Durante e graduacion, directora general drs. Marilyn Richardson a dirigi palabra na e publico presente, specialmente na e graduadonan. El a inicia su discurso bisando e graduadonan cu nan a logra di bira maestro di scol por medio di tremendo dedicacion y perseverancia.

PEN2030 ta para pa, entre otro, responsabilidad comun pa un enseñansa di calidad, ‘empowerment’, respet, mentalidad habri y curiosidad pa siña. Drs. Richardson a splica cu e graduadonan tin e base aki den nan formacion como maestro, pero awo ta keda na cada un di nan pa keda nutri e balornan aki p’asina carga e vision di PEN2030.

The influencer teacher tabata e tema di IPA su graduacion. E mensahe cu drs. Richardson a comparti cu e graduadonan ta cu maestro ta un profesion cu tin hopi influencia, un impacto profundo y duradero riba nos bida. Den un mundo domina pa social media stars y tur sorto di sensacion cu ta go viral, ta facil pa lubida e influencers original cu ta e maestronan! Segun drs. Richardson un maestro ta inspira curiosidad, fomenta creatividad, inculca amor pa siñamento pa bida largo cu ta bay mas leu cu e murayanan di klas, mas leu cu e bukinan cu e ta uza, pasobra e ta forma y moldia caracter, crea balor y perspectiva. Cada biaha cu un maestro encurasha un mucha of un hoben pa dream big, nan ta sigui influencia otro. Pues e maestro, ta causa e ripple effect aki! Drs. Richardson a termina su discurso bisando e graduadonan: “Be the influence the world needs!”

E anochi aki tabata uno hopi ameno, caminda e comunidad di IPA conhuntamente cu famia y invitado di e graduadonan a celebra nan logro den Las Palmas Ballroom di Holiday Inn Resort Aruba.

IPA ta desea tur colega nobo un carera fructifero y exitoso. Nos ta spera cu Todopoderoso lo guia y duna boso sabiduria pa eherce e bunita profesion di maestro cu hopi amor y dedicacion. Pabien na tur graduado y un feliz vakantie na tur e maestronan y muchanan di Aruba!

International Office di IPA ta organisa 2 programa pa minor den un aña academico titula International Minor Globalization, Diversity, Multilingualism & Education. Un asina yama Fall Minor, entre september pa januari, y un Spring Minor, entre januari pa juni. E studiantenan cu a participa e aña aki den e Spring Minor tabata di Hulanda. Nan programa a consisti di varios tayer, training, excursion, stage na scol basico of scol secundario si nan ta studia un materia specifico den scol secundario, manera biologia, geografia, Hulandes of matematica. Tur studiante di minor ta finalisa nan semester cu presentacion di un investigacion practico cu nan a haci den enseñansa na Aruba.

Diahuebs dia 20 di juni 2024, e segundo tanda di e studiantenan di minor na IPA lo duna nan presentacion.

E temanan di investigacion cu nan lo presenta ta:

• 13.00: Teun van de Sande - Toetsen in eigen taal

• 13.30: Eva Schouten y Rens ten Hove - Bewegend leren

• 14.00: Zhaisky Kock y Elizabeth Helder - Translanguaging

• 14.30: Chloë Ruiz - Studievaardigheden

Henter comunidad di Aruba ta cordialmente invita pa presencia e presentacionnan y asina aporta na un comunidad mas global, diversifica, multilingual y educativo. E presentacionnan lo tuma luga na IPA (Isaac Wagemakerstraat 11, San Nicolas)

Nos ta sumamente contento pa anuncia cu 17 studiante di Hogeschool Arnhem y Nijmegen (HAN), Katholieke Pabo Zwolle (KPZ) y IPABO di Amsterdam y Alkmaar a completa exitosamente e IPA minor titula International Minor Globalization, Diversity, Multilingualism & Education cu un balor di 30 EC.

E programa a consisti di varios tayer, training, excursion, stage na scol basico of scol secundario si nan ta studia un materia specifico den scol secundario, manera biologia, geografia, Hulandes of matematica. Tur studiante di minor a finalisa nan semester cu presentacion di un investigacion practico cu nan a haci den enseñansa na Aruba.

• Teun van de Sande: Toetsen in eigen taal

• Eva Schouten en Rens ten Hove: Bewegend leren

• Zhaisky Kock en Elizabeth Helder: Translanguaging

• Chloë Ruiz: Studievaardigheden

• Lucas Berg: Vermenigvuldigen en delen met het handelingsmodel

• Daphne Brouwer: Omgaan met werkdruk

• Ellen Metselaar: Lezen met begrip

• Inge Knol en Robin Oosterwijk: Coöperatieve werkvormen

• Maaike Magielse: Leesmotivatie

• Lotte Koers: Klankgebaren

• Tess Waag: Leesmotivatie

• Iris Westerveld: Bewegend leren

• Katja Roga: Grammatica strategiën voor Arubaanse leerlingen

Nos ta felicita tur studiante cu nan logro y nos ta desea nan hopi exito den nan aña di finalisacion di estudio.

Ademas, nos kier menciona specialmente e tres participantenan Arubiano di HAN: Chloë Ruiz, Zhaisky Kock y Elizabeth Helder, cu a pasa nan practica na Colegio Nigel Matthew y nan dedicacion pa e comunidad y trabou boluntario!

Nos ta gradici e scolnan di practica y e guianan di Rosario College, Schakel College, Mon Plaisir basisschool, Paulus School y Colegio Arubano.

Pa mas informacion tocante International Minor por tuma contacto cu Gregory Goedgedrag MSc.,Coordinador di International Office di IPA, na Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of cu International Officer pa Hulanda y Belgica, Ingrid Captain MSc., na Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

International Office di IPA ta organisa 2 programa pa minor den un aña academico titula International Minor Globalization, Diversity, Multilingualism & Education. Un asina yama Fall Minor, entre september pa januari, y un Spring Minor, entre januari pa juni. E studiantenan cu a participa e aña aki den e Spring Minor tabata di Hulanda. Nan programa a consisti di varios tayer, training, excursion, stage na scol basico of scol secundario si nan ta studia un materia specifico den scol secundario, manera biologia, geografia, Hulandes of matematica. Tur studiante di minor ta finalisa nan semester cu presentacion di un investigacion practico cu nan a haci den enseñansa na Aruba.

Awe, 13 di juni 2024, ta inicia e presentacionnan di e studiantenan di minor na IPA.

E temanan di investigacion cu nan lo presenta ta:

• 13.15 -13.40: Lucas Berg – Vermeerderen en verdelen met het handelingsmodel

• 13.45 -14.00: Daphne Brouwer - Geen onderzoek, enkel presentatie in verband met overname 4e klas Rosario

Pauze 15 min

• 14.15-14.40: Ellen Metselaar– Lezen met begrip

• 14.45-15.25: Inge Knol & Robin Oosterwijk – Coöperatieve methodes

• 15.30- 15.55: Maaike Magielsen – Leesmotivatie

Pauze 15 min

• 16.10-16.35: Lotte Koers – Geluidsbewegingen

• 16.40 -17.05: Tess Waag – Leesmotivatie

• 17.10-17.35: Iris Westerveld – Bewegend leren

17.40 Otorgamento di certificado

Henter comunidad di Aruba ta cordialmente invita pa presencia e presentacionnan y asina aporta na un comunidad mas global, diversifica, multilingual y educativo. E presentacionnan lo tuma luga na IPA (Isaac Wagemakerstraat 11, San Nicolas)