Vragen? +297-524 3100 info@ipaaruba.com

Maestro

profesion for di bo curason!

Loading...
Loading...

IPA ta participa na e Virtual College Fair

Diabierna ultimo, dia 12 di november 2021 a tuma luga un Dia pa Publico na Instituto Pedagogico Arubano cu a hiba e titulo ‘Next Stop … IPA’ y tabatin como lema ‘E destinacion pa crea tur otro profesion’.

E Dia pa Publico tabata un exito. Nos ta satisfecho cu e acohida. E esfera di e anochi tabata uno placentero y e forma con e docente- y studiantenan a activa e bishitantenan tabatin un efecto hopi positivo.

Pa esnan cu no a logra asisti e Dia pa Publico, IPA lo ta presente na e Virtual College Fair. Esaki lo ta dia 17 y 26 di november. IPA ta na turno di 8:00 pa 8:45 di mainta. Subi e pagina di Facebook di Aruba College Fair Foundation pa bo haya e link pa registra.

Riba IPA su website www.ipaaruba.com riba e pagina cu yama ‘Next stop … IPA’ tin video informativo di e director di estudionan inicial, sr. Berthson Boekhoudt cu ta elabora riba e estudio pa Maestro di Enseñansa Primario y tambe un video informativo presenta pa sra. Régine Croes cu ta conta tocante e estudio Bachelor Nederlands als Vreemde Taal.

Si ta desea di inscribi, tambe por haci esaki via di e website di IPA na e pagina di ‘aanmelden’.

Si tin cualke pregunta, por tuma contacto cu Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of yama 5243100.

Pa nos tin un idea di con e sentimento ta pa ta docente, mr. Menno, juf. Marie-Thérèse y juf. Audry ta comparti kico nan ta encanta di ta docente. Nos sa cu ta docente no ta nifica cu bo ta para henter dia dilant’i klas ta duna splicacion. Nan ta conta ki actividad educativo y alabes creativo nan sa haci cu nan alumnonan.

mr. Menno Habets

juf. Marie Thérèse Croes

juf. Audry Vasquez

Conecta

cu alumno

Apart di duna e lesnan programa pa dia, docente ta inventa strategia of actividad creativo pa por contecta cu nan alumnonan. Tin biaha un alumno kier conta algo cu ta molesti’e of kisas cu e ta contento di a experiencia, pero, e no sa con pa comparti esaki cu bo of e no sa na ki momento ta apropia. Nos maestronan ta percura pa na un manera dibertido, nan alumnonan haya e oportunidad pa conecta cu e maestro.

 

juf. Rocalia Lampe

Graduado di IPA, di aña 2021, juf. Rocalia, docente di klas 3 na St. Franciscus College ta comparti cu nos con e ta haci esaki cu su alumnonan.

mr. Lionel Vrolijk

Graduado di IPA, di aña 2017, mr. Lionel, maestro di klas 4 na St. Franciscus College ta comparti cu nos con e ta haci esaki cu su alumnonan.