IPA Open Dag 2025

The Influencer Teacher

“The Influencer Teacher”, esaki ta e tema di IPA su open dag 2025 cu lo tuma luga diasabra 1 di februari di 10:30 am - 1:30 pm na IPA. Riba e dia aki IPA ta habri su portanan pa tur persona cu kier descubri mas di e rol crucial y e influencia grandi di maestro den enseñansa. Nos kier pa abo, cu tin e pasion pa bira maestro, bin combersa cu nos y si bo ta explora opcion di estudio, join nos y laga nos inspira bo.

Riba e pagina aki nos lo comparti cu bo storianan inspirativo y educativo di nos studiantenan y graduadonan di IPA. Alabes nos lo publica informacion importante relaciona cu open dag cu bo no por perde. Bishita e pagina aki regularmente pa bo keda altanto.

Kico por spera na open dag?

Durante e open dag nos lo duna informacion di:

e estudio pa Maestro di Enseñansa Primario,
e curso di Certificacion Pedagogico Didactico (PDG),

y e dos trayectonan cortico pa maestronan cu actualmente ta trahando caba den scol preparatorio of scol basico pa nan por amplia nan cualificacion cu sea:

e trayecto cortico pa Maestro di Enseñansa Primario cu ta hiba na un autorisacion pa duna les na tur alumno di scol preparatorio y scol basico of
e trayecto cortico pa maestro specialisa di Hulandes y Ingles pa Enseñansa Primario

Tuma nota cu cada estudio tin su grupo meta y orario specifico pa por haya informacion:

Nos studiantenan di aña 3 di estudio pa Maestro di Enseñansa Primario lo t’ey presente cu benta di pasaboca pa recauda fondo pa e pasantia internacional cu ta forma parti di e curiculo di nan estudio.

Estudio pa Maestro di Enseñansa Primario

Bo kier aporta na formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa Maestro di Enseñansa Primario, cu IPA ta ofrece, ta e estudio ideal pa bo. E estudio pa Maestro di Enseñansa Primario ta forma maestro cu ta cualifica pa duna les na alumno di scol preparatorio y scol basico: un maestro cu ta funciona competentemente den klas, na scol y den comunidad.

Durante e open dag lo tin 2 sesion cu e bishitante lo por atende pa ricibi informacion di e estudio.

Sesion 1: Lokaal 1 → 10:45 am
Sesion 2: Lokaal 2 → 11:30 am

Pa e estudio aki nos lo brinda the ‘whole experience’. E bishitantenan lo participa activamente na actividad cu nos docentenan di diferente area di formacion a prepara pa nan. Lo clausura e experiencia aki cu un presentacion di informacion general.

Pa inscribi pa e estudio aki mester tin diploma di havo, vwo of mbo nivel 4 (of ta den examenklas di un di esakinan).

Conecta cu studiante

Curioso pa sa con e bida estudiantil na IPA ta? Mira nos videonan p'asina bo haya un bista di kico tur ta pasa den klaslokaal y asina keda motiva pakico bo tambe por scoge pa e profesion di maestro.

Pedagogisch Didactisch Getuigschrift (PDG)

PDG ta un curso pa profesionalnan cu ya caba ta dispone di un diploma riba nivel di bachelor of di master y cu kier continua nan carera den ramo di enseñansa. Pa medio di e curso di PDG e profesionalnan por desaroya competencia pedagogico y didactico.

Abo of un conocir di bo ta cla pa un cambio di carera? Semper bo tabatin aspiracion pa aporta na enseñansa? Bo tin afinidad y interes pa traha y yuda den e desaroyo di mucha y hoben? E ora ta PDG di IPA ta na unda bo mester ta!

E orarionan cu bo lo por ricibi informacion general di e estudio aki ta:

Sesion 1: Lokaal 6 → 10:45 am
Sesion 2: Lokaal 6 → 11:30 am

Trayecto cortico pa Maestro Specialisa di Hulandes y Ingles pa Enseñansa Primario

E trayecto cortico pa Maestro Specialisa di Hulandes y Ingles pa Enseñansa Primario ta un estudio specialmente desaroya pa maestro cu ta trahando caba den scol basico y cu actualmente ta autorisa pa duna les na alumno di 6 - 12 aña. Cu e estudio aki nan por amplia nan autorisacion pa asina nan ta cualifica pa duna les di Hulandes y Ingles na alumno di klas 1 te cu klas 6 di scol basico.

Orario pa ricibi informacion:

Sesion 1: Lokaal 4 → 10:45 am
Sesion 2: Lokaal 4 → 12:00 pm

Trayecto cortico pa Maestro di Enseñansa Primario

E trayecto cortico pa Maestro di Enseñansa Primario ta un estudio specialmente desaroya pa maestronan cu ta trahando caba den scol preparatorio of scol basico y cu actualmente ta autorisa pa duna les na alumno di edad 4 - 8 aña of 6 - 12 aña. Cu e estudio aki nan por amplia nan autorisacion pa asina nan ta completamente cualifica pa duna les na alumno di 4 te cu 12 aña.

Orario pa ricibi informacion:

Sesion 1: Lokaal 4 → 10:45 am
Sesion 2: Lokaal 4 → 12:00 pm

Benta di pasaboca

Nos studiantenan di aña 3 di e estudio pa Maestro di Enseñansa Primario lo t’ey presente cu benta di pasaboca. Meta di esaki ta pa recauda fondo pa nan pasantia internacional cu ta forma parti di e curiculo di nan estudio.

Lokaal 3 → 10:30 am - 1:30 pm

Universidad di Aruba

Diasabra awo Universidad di Aruba (UA) lo ta presente na Open Dag di IPA pa comparti informacion di su estudionan pa tur esnan cu ta interesa.
Nos ta sumamente contento cu e iniciativa pa hunto nos comparti informacion di educacion profesional na Aruba.

Na UA e posibilidadnan ta infinito. Tin un programa pa tur hende; di Business pa Ley, di Ciencia y Estudio Social pa Ingenieria. Bo kier sa cua ta e miho parti? Cu e ta pagabel. UA ta kere cu educacion mester ta accesibel pa tur hende, independientemente di nan background of situacion financiero.

UA ta mas cu solamente un universidad local. E ta un centro global di conocemento y innovacion. Via asociacion cu universidadnan rond di mundo UA ta ofrece studiantenan oportunidad pa siña for di profesornan internacional y colabora cu studiante di diferente cultura y background.

Asina ta, si bo ta busca un universidad cu ta ofrece educacion na nivel mundial, na un prijs rasonabel y cu oportunidad internacional, no busca mas leu cu Universidad di Aruba.

Lokaal 7 → 10:30 am - 1:30 pm

Ingredientenan di un maestro extraordinario

Un maestro extraordinario ta den e estado di refleha su vocacion y transmiti esaki na su alumnonan. E sa con pa lanta interes cerca su alumnonan y haci nan curioso. E preparacionnan di les di e tipo di maestronan aki ta keda caracterisa pa e busceda di un formula magico, un receta di exito, cu ta contesta e necesidadnan esencial di nan alumnonan.

Pero cua ta e ingredientenan cu ta haci e maestro uno extraordinario? Aki nos ta comparti algun di nan cu boso:

Amor: un maestro ta uno cu ta duna enseñansa di curason. E ta stima mucha y ta mira nan bienestar na prome luga.

Inspiracion: e maestro ta carga e responsabilidad pa inspira su alumnonan pa haya interes y sea activo den nan actividadnan diario.

Atento: un maestro cu ta pone atencion, take care y duna sosten na su alumno.

Motivacion: e maestro ta motiva su alumno den su estudio, pero tambe den otro area di interes, por ehempel, deporte y arte, p’asina saca lo maximo di su potencial.

Empatia: un maestro mester tin e habilidad di por pone su mes den pensamento y sentimento di su alumnonan.

Perseverancia: e maestro ta encurasha su alumno y dun’e e empuhe cu e tin mester p’asina no rindi ora cu reto presenta.

Creativo: un maestro ta duna su alumnonan e espacio pa ta creativo. Creatividad ta multidisciplinario, e ta laga un mucha of maestro expresa su mes y ta promove habilidad di soluciona problema y hopi mas.

IPA Aruba Open Dag 2025

Ministerie van Onderwijs Aruba: https://www.ea.aw

Lerarenopleiding Aruba info: https://www.ipaaruba.com