Tips con pa traha na cas durante e periodo di pandemia di COVID-19

E pandemia di COVID-19 a trece cambio den bida di biyones di persona mundialmente. Varios compania y organisacion a cera porta y ta pidi cooperacion di su empleadonan pa traha desde cas. Traha na cas por tin su beneficionan y sigur tambe su retonan si esaki ta algo completamente nobo p’abo. Aki ta sigui algun tips pa haci bo experiencia di traha na cas mas productivo y exitoso.

• Crea un espacio pa bo por traha na cas

Si bo tin un camber extra of un ‘guest room’ bo por transforma esaki facilmente den un espacio efectivo pa traha. Si esaki no ta e caso, djis converti un huki di por ehempel bo sala, comedo of camber den un espacio pa bo por haci bo trabao.

• Traha cu to-do list

Tur dia traha un to-do list di e tareanan cu bo kier logra haci pa e dia eynan. Trata na logra e meta cu bo a pone. Asina cu bo haya sa cuanto tempo mas o menos e ta tuma bo pa bo haci cierto trabao na cas, adapta bo expectativa nobo den bo schedule. Esaki lo yuda bo pa ta mas productivo cu bo tempo.

• Anda cu distraccion na un manera corecto

Trahando na cas ta casi inevitabel cu bo no lo keda distrai. Sinembargo, trata na mantene distraccion minimo. Si tin mas persona na cas cu bo, haci palabracion concreto cu nan.

• Tuma pausa

Laga nos ta honesto, na trabao bo no ta traha 8 ora stret. Bo tin ‘coffee break’, ‘lunch break’ y sa papia cu algun colega cu ta duna bo un alivio chikito di trabao. No ta paso bo ta na cas kiermen cu bo no mag di tuma un pausa. Un pausa juist por ta un ventaha pa productividad.

• Mantene contacto cu bo coleganan

Si bo tin un laso social fuerte na bo trabao, no laga e distanciancamento social kita esaki por completo. Probecha e oportunidad aki pa haci uzo di herment innovativo mane por ehempel Zoom y Google Meet pa toch por tin e contacto ‘face 2 face’.

• Haci trahamento comfortabel

Haci loke bo por pa haci bo espacio di trabao na cas mas comfortabel posibel.

• Motivacion

Pa mantene bo mes motiva ta bon pa bo pone algun meta pa e cantidad di trabao cu bo kier logra riba un dia. Ta sigur un dushi sentimento ora cu bo sa cu bo a pone un meta y bo a logra esaki.