Ambiente, creatividad y bon vibe tabata loke a reina durante IPA su prome actividad social pa aña academico 2019-2020. E actividad social tabata den forma di un Game Night, na unda studiante y personal a bini hunto den un ambiente relaha p’asina pasa un momento agradabel. Di e manera aki IPA kier a crea un espacio pa ciudo y amor propio di cada miembro di IPA.
E programa di e Game Night ta parti den dos: Brain Games y Chillax Games. Brain Games tabata consisti di hersenengymastiek, charada y ‘quick think name game’ cual tabata e parti competitivo di e anochi. Un total di 9 grupo a bataya contra otro pa e titulo maximo ‘Brain Games Champions’.
Resultado di e anochi aki tabata como lo siguiente: Segundo luga Brain Games: Karmita Krew Brain Games Champions: Underdog Grupo mas creativo uniforma: Bright Lights Grupo mas disciplina: Bright Lights
Despues a sigui cu wega liber na unda esnan presente por a bin cu nan weganan por ehempel domino, uno, Just Dance for di cas p’asina comparti momentonan ameno cu otro.
E actividad aki seguramente no tabata posibel sin cooperacion di diferente sponsor cu a kere den e evento aki y cu a yuda IPA sin pensa dos biaha. Nan ta entre otro: Pizza Hut Aruba, Aruba Riba Snack Truck, Curiosa y Eduardos Beach Shack.
E comunidad di IPA no tin palabra pa gradici boso pa boso aporte. Masha danki di curason.