Vragen? +297-524 3100 info@ipaaruba.com

IPA ta introduci 21+ Toets

Bo kier haci e estudio pa Maestro di Enseñansa Primario of Bachelor Hulandes y no tin diploma sea di HAVO, VWO of MBO nivel 4 pero bo tin minimo 21 aña? Ata bo chens! Tur persona cu tin desde 1 di september 2019 minimo 21 aña y cu kier haci un estudio na IPA pero no tin e diploma cu IPA ta exigi, ta bin na remarke pa haci e asina yama 21+ Toets. E 21+ Toets ta midi si un persona tin e nivel di HAVO y ta conta solamente pa estudionan inicial cu IPA ta ofrece durante aña 2019-2020, esta e estudio pa Maestro di Enseñansa Primario y Bachelor Hulandes. E 21+ Toets lo tuma luga diasabra dia 9 di februari 2019. Si bo pasa e test aki cu exito, bo ta bin na remarca pa participa na un trayecto di preparacion pa e test di admision. Esaki lo tuma luga entre maart y mei 2019. E test di admision pa estudio di Maestro di Enseñansa Primario lo tuma luga fin di mei/ comienso di juni 2019. Esun pa Bachelor Hulandes lo tuma luga na mei 2019.

Pa mas informacion tocante 21+ Toets y e contenido di estudio pa Maestro di Enseñansa Primario y Bachelor Hulandes, bishita IPA su Dia Publico diasabra dia 17 di november di 10 or di mainta pa 2 or di atardi na IPA mes. Tambe por “like” nos facebook page Instituto Pedagogico Arubano p'asina keda altanto di e ultimo desaroyonan encuanto Dia Publico y IPA en general.